Gawn ni funud o werthfawrogiad i blanhigion bresych (brassica) o bob math?
Oeddech chi’n gwybod bod pob planhigyn neu lysieuyn yn y llun hwn yn perthyn i’w gilydd?
Mae planhigion brassica yn rhoi mwy o gnydau amrywiol na’r un genws arall. Maent yn perthyn i deulu’r mwstard. Gallwch wneud gymaint â nhw o fwyta eu dail, stemiau, gwreiddiau a blodau.
Un nodwedd dda iawn am y rhan fwyaf o lysiau a ddaw o deulu’r bresych yw eu gallu i dyfu yn ystod y misoedd oeraf ac aros yn ffres yn barod i’w cynaeafu pan fydd eu hangen. Perffaith ar gyfer yr ardd lysiau Gymreig a byw bywyd hunangynhaliol.
Pa gnydau o deulu’r bresych ydych chi wedi tyfu yn yr ardd eleni?
Rwy’ wedi tyfu:
- Bresych Gwyn
- Brocoli
- Bresych Coch
- Swedsen
- Bresych Savoy
- Brocoli Piws
- Bresych Gaeaf
- Erfinnen
- Bresych Gwanwyn
- Rhuddygl
- Cêl Nero
- Kohlrabi
- Cêl Rwsia
- Ysgewyll
- Blodfresych
- Cêl Crwn
- Bok choy
- Calabrîs
- Mwstard
- Mizuna
Felly diolch yn fawr iawn i deulu’r bresych am lenwi’r ardd, cypyrddau’r gegin ac wrth gwrs, ein boliau bob blwyddyn!
