Mae cadw ffowls a hwyaid wedi bod yn rhan ganolog o’r ardd fan hyn ers inni symud yma. Ar un adeg roeddwn yn cadw dros 50 o ieir, 60 cwêl a 12 hwyaden… tipyn o Zoo yma a gweud y gwir! Roedd yr hwyaid, ein cwac pac ffyddlon yn fyddin diwyro yn erbyn malwod a’r ffowls a’r ceiliogod yn cael gwared ar bob gwastraff gardd a’i droi yn gompost perffaith 
Roeddwn i’n n bridio cywion ac yn cael pleser yn gweld y rhai bach yn tyfu ac yn cychwyn ar siwrnai gyffrous yn twrio o boitu’r lle 
Ond mae’r blynyddoedd diwethaf wedi bod yn anodd gyda ffliw’r adar a chost cynyddol bwyd a gwellt ein bod wedi stopio prynu a bridio adar newydd.
Mae eleni wedi bod yn nodedig o heriol ac ry’n ni wedi colli sawl hwyaden a ffowlyn i rywbeth yn ymosod arnynt yn y dydd a gyda’r nos 
Heddiw, fe gollon ni 6 ffowlyn ac un ceiliog i ryw greadur yn nheulu’r carlymoliaid e.e Wenci, Carlwm, Ffwlbart, Bele’r coed neu ddwrgi 
Bellach dim ond 3 hwyaden, dwy giâr ac un cyw ceiliog sydd gyda ni ar ôl
Mae cadw anifeiliaid yn dod â gymaint o fwynhad ond mae’n gallu bod yn anodd iawn hefyd! Bydd y berllan yn dawelach o lawer wedi heddiw!
